5-6 SINF O‘QUVCHILARINING JISMONIY TAYYORGARLIKLARINI TAKOMILLASHTIRISHDA JISMONIY MASHQLARNING O‘RNI

Abstract

Turli xildagi jismoniy mashqlar organizmga turlicha ta’sir qiladi va ular jismimiz harakat qobiliyatlarini lozim bo‘lgan yoki imkon darajasida namoyon qilishga ma’lum talablarni qo‘yadi. Odatda biz jismoniy mashqlarni ta’sir darajasiga qarab kuch talab qiluvchi jismoniy mashqlar yoki tezlik namoyon qilishni talab qiluvchi mashqlar va boshqalar deb farqlaymiz. Shunday holatlar bo‘ladiki, bajargan harakatimizni nima uchun aynan ko‘rsatilganidek qilib bajarish lozimligini yoqtirmayroq qabul qilamiz. Chunki bu qator faktorlarga bog‘liq. Ular jismoniy yuklama, kayfiyat, qorinni och yoki to‘qligi, anjomlar, jihozlar, sharoit va h.k.lar. Agarda jismoniy mashq orqali organizmga tushadigan jismoniy yuklama me’yori organizmimiz tayyorgarligiga mavofiq bo‘lib bajarish qiyinchilik tug‘dirmasa, mashg‘ulotdan so‘ng uni ta’sirini tezda his qilamiz.